Gwerthfawrogi a hyrwyddo amrywiaeth, cydraddoldeb cyfle a chynhwysiad

Defnyddio nodweddion cynhenid systemau fel eich VLE neu apiau Desktop sy’n cynorthwyo hygyrchedd
Defnyddio technolegau i greu gweithgareddau ar lefelau a chyflymderau gwahanol
Defnyddio amrywiaeth o gyfryngau digidol, nid testun yn unig. Defnyddio fideos, cwisiau, gemau, graffeg gwybodaeth, animeiddiadau ayb
Cymryd rhan mewn cymunedau ymarfer ar-lein gyda chanolbwynt ar hygyrchedd.
Cymryd rhan mewn cyfleoedd hyfforddiant gan ganolbwyntio ar amrywiaeth, cydraddoldeb, a chynhwysiad
Amlygu ymarfer da mewn amrywiaeth, hygyrchedd, a chynhwysiad mewn digwyddiad lleol, cenedlaethol neu ryngwladol.
Cyhoeddi erthyglau a chyfarwyddyd i wefannau cenedlaethol cydnabyddedig a blogiau ar faterion hygyrchedd.

2.1 Hygyrchedd

Dangos mwy

Dw i’n ystyried materion hygyrchedd bob amser wrth gyflwyno technolegau newydd a dw i’n sicrhau bod dysgwyr â mynediad digidol cyfyngedig yn cael cynnig o gymorth.
Dw i’n dangos fy mod i’n deall y gall technolegau digidol atal neu wella hygyrchedd a dw i’n tynnu sylw at hyn a chynnig cymorth priodol.

Dw i’n caffael a darparu cynnwys digidol i ddysgwyr ag anghenion amrywiol (e.e. dysgwyr sy’n defnyddio technolegau cynorthwyol neu ryngwynebau addasedig).
Dw i’n cynnwys dysgwyr ag anghenion amrywiol wrth greu deunyddiau ar gyfer amgylcheddau digidol.

Dw i’n hyfforddi eraill o fewn y sefydliad ar sut i sefydlu hygyrchedd mewn ymarferion digidol.
Dw i’n ymgysylltu’n weithredol â chymunedau ymarfer a chyrff sector gyda chanolbwynt hygyrchedd mewn ffordd sy’n symud fy ymarfer i ac ymarfer y gymuned ymlaen.

Dangos mwy

Dw i’n defnyddio ystod o gyfryngau digidol yn fy nysgu sy’n cynorthwyo gwahaniaethu a phersonoleiddio i alluogi dysgwyr i ddysgu mewn ffyrdd gwahanol.
Dw i’n sicrhau mynediad cyfartal at y technolegau digidol y byddaf yn eu defnyddio ar gyfer yr holl ddysgwyr.

Dw i’n golygu neu addasu deunyddiau digidol i weddu i fy nysgwyr.
Dw i’n defnyddio teclynnau digidol i greu adnoddau gwahaniaethol sy’n ateb anghenion fy nysgwyr.
Dw i’n greadigol wrth asesu, felly mae gan ddysgwyr ffyrdd gwahanol o lwyddo.

Dw i’n hyfforddi eraill o fewn y sefydliad ar wahaniaethu a chydraddoldeb mewn ymarferion digidol.
Dw i’n ymgysylltu’n weithredol â chymunedau ymarfer ar-lein a rhanddeiliaid gyda chanolbwynt ar wahaniaethu a chydraddoldeb mewn ffordd sy’n symud fy ymarfer i ac ymarfer y gymuned ymlaen.

Dangos mwy

Wrth gyfathrebu neu gynhyrchu adnoddau digidol NEU yn fy ymarfer addysgu, dw i’n defnyddio iaith a delweddau sy’n adlewyrchu ymarfer amrywiaeth a chynhwysiad.
Dw i’n ymgynghori ac yn gweithredu ar adborth gan ddysgwyr i sicrhau bod deunyddiau digidol yn gynhwysol.

Dw i’n creu a rhannu gwrthrychau dysgu digidol sy’n adlewyrchu amrywiaeth a chynhwysiad yn fy ymarfer.
Dw i’n cyd-greu deunyddiau digidol gyda dysgwyr i leihau rhwystrau rhag dysgu ac yn annog cyfranogaeth.

Er mwyn codi safonau, dw i’n darparu cyfleoedd datblygu i staff i sicrhau bod y pobl dw i’n gweithio gyda hwy yn ymgorffori amrywiaeth a chynhwysiad i’w hymarferion digidol.